Psalm 12
Vers 1
Red, red, en hoor, o HEER, / geen vrome hier meer;
getrouheid, reeds klein, / het nou heel verdwyn.
Die mens spreek onopreg, / met leuens deurvleg;
van lippe-taal gly, / enkel vleiery.
Vers 2
Mag God die lip uitroei / waarvan vleitaal vloei,
die tong onbewaak / wat vry is van spraak.
Hul sê: "Ons tong is sterk, / en slim onbeperk.
Ons lip ons getrou; / wie kan ons weerhou?"
Vers 3
"Dié wie verkwyn in druk / – sug in ongeluk –
sal Ek nou verweer, / hul red," sê die HEER.
Die woorde van die HEER / is gelouterd meer
as suiwer metaal, / gerein' sewe maal.
Vers 4
Die HEER sal in gevaar / steeds sy volk bewaar;
as lis triomfeer / dan waaksorg die HEER.
.png){kind=icon}
iPsalm